Ուսումնամեթոդական վարչություն

Ուսումնամեթոդական վարչությունը (ՈՒՄՎ) Երևանի պետական համալսարանի Իջևանի մասնաճյուղի ինքնուրույն կառուցվածքային ստորաբաժանում է, որի հիմնական խնդիրներն են.

• բակալավրիատում ուսումնական գործընթացի պլանավորում, կազմակերպում և վերահսկում,
• ուսումնական գործընթացին մասնակցող ԵՊՀ ԻՄ կառուցվածքային ստորաբաժանումների աշխատանքի կոորդինացում:

Ուսումնամեթոդական վարչության գործառույթներն են.

1. բակալավրիատի ուսումնական պլանների ու առարկայական ծրագրերի մշակման գործընթացի կազմակերպում և կատարման վերահսկում,
2. «Կրթության որակի կառավարման» հանձնաժողովի հետ համատեղ, կրթության որակի դիտարկում (մոնիտորինգ) և կառավարման համակարգի մշակում ու ներդրում,
3. ավտոմատացված էլեկտրոնային համակարգի միջոցով բակալավրատի առկա և հեռակա ուսումնական և աշխատանքային պլանների, ամբիոնային և անհատական ծանրաբեռնվածությունների, քննական և ստուգարքային տեղեկագրերի տվյալների մուտքագրման, մշակման և կատարման վերահսկում,
4. ժամավճարային հիմունքներով աշխատողների ձևակերպում և հաշվառում,
5. բակալավրիատի դասատախտակների ստուգում և ուսումնական գործընթացը լսարանային ֆոնդով ապահովում,
6. ուսումնական գործընթացի ժամանակացույցի և դասատախտակների օպտիմալացում,
7. դասերի կայացման վերահսկում,
8. ուսանողների ավարտական փաստաթղթերի նախապատրաստում և հաշվառում,
9. ամփոփիչ ատեստավորման հանձնաժողովների աշխատանքների կազմակերպում,
10. ընթացիկ և հանրագումարային քննությունների անցկացման վերահսկում,
11. ուսումնական գործընթացի փաստաթղթային գործավարության ապահովում և վերահսկում,
12. ուսումնական, մասնագիտական և մանկավարժական պրակտիկաների կազմակերպման համակարգում և վերահսկում,
13. բակալավրիատի ընդունելության վերաբերյալ առաջարկությունների մշակում,
14. ուսանողների մնացորդային գիտելիքների ստուգման կազմակերպում,
15. ուսանողական շարժի հետ կապված (ընդունելության, հեռացման, ուսանողական իրավունքների վերականգնման, տեղափոխության, տարկետման և այլն) հրամանների նախապատրաստում և հաշվառում,
16. վճարովի կրթական ծառայությունների կազմակերպում,
17. բակալավրի կրթական ծրագրերով սովորողների համար տեղեկագրքերի հրատարակում,
18. ուսումնառության հարցով ԵՊՀ ԻՄ ընթացիկ և տարեկան հաշվետվությունների նախապատրաստում,
19. ԵՊՀ և ԿԳ նախարարության համար ուսումնական գործընթացի վերաբերյալ տեղեկատվավիճակագրական տվյալների նախապատրաստում,
20. ուսանողների տվյալների հենքի ստեղծում և պահպանում,
21. երկրորդ մասնագիտություն ստացողների համար ընդունելության կազմակերպում,
22. դասավանդման որակի և արդյունավետության վերաբերյալ ուսանողական հարցումների կազմակերպում:

Ուսումնամեթոդական վարչության պետն է Արկադի Ցոլակի Դավթյանը: