2011թ. ԵՊՀ Իջևանի մասնաճյուղում՝ Կադրերի բաժնի բազայի հիման վրա, ձևավորվել է Անձնակազմի կառավարման բաժինը (ԱԿԲ), որը 2017թ. հոկտեմբերից վերանվանվել է Մարդկային ռեսուրսների կառավարման (ՄՌԿ) բաժին, 2020թ. հունվարից՝ Անձնակազմի կառավարման և իրավական ապահովման (ԱԿԻԱ) բաժին:
Բաժնի գործառույթներն են.
ԵՊՀ ԻՄ աշխատողների աշխատանքի ընդունման և ազատման գործընթացի իրականացումը:
ՀՀ օրենսդրությամբ և ԵՊՀ ԻՄ ներքին իրավական ակտերով նախատեսված աշխատողների անձնական տվյալների վարումը, համապատասխան հրամանների, պայմանագրերի և այլ փաստաթղթերի ձևակերպումը, աշխատողների տվյալների շտեմարանի վարումը, մարդկային ռեսուրսների կառավարման տեղեկատվական համապատասխան համակարգի շահագործումը:
Պաշտոնի անձնագրերի, աշխատանքի նկարագրության և աշխատողի պարտականություններն ու իրավասությունը սահմանող իրավական այլ ակտերի նախապատրաստումն ու ընդունումը:
Աշխատավայրում աշխատողի ադապտացիայի և աշխատանքային մոտիվացիայի բարձրացմանն առնչվող գործընթացների կազմակերպումը:
Մասնագիտական զարգացման գործընթացի իրականացումը (կարծիքների գնահատում, վերապատրաստումներ, զարգացման այլ միջոցառումներ):
Աշխատանքի արդյունավետության գնահատումը:
Ատեստավորման (եթե ենթակա է) իրականացումը:
Աշխատանքի վարձատրության, պարգևատրման, պաշտոնական առաջխաղացման, արձակուրդների ձևակերպման, աշխատանքից ազատման հետ կապված հարցերի լուծումը:
Աշխատողների խրախուսումն ու նրանց նկատմամբ կարգապահական տույժերի կիրառումը:
Գործատուի կողմից տրվող սոցիալական լրացուցիչ երաշխիքների ապահովումը և այլ հարցեր:
Գործատուի կողմից բաժնի կառավարմանը տրված այլ գործառույթների կազմակերպումը (մարդկային ռեսուրսներ, ընդհանուր մաս՝ քարտուղարություն, հատուկ մաս, արխիվ, և այլ ստորաբաժանումների գործունեության կազմակերպում):
Անձնակազմի կառավարման և իրավական ապահովման բաժնի վարիչն է Նարինե Ժորայի Աբազյանը:
