2018-19 ուսումնական տարվա I կիսամյակում ԵՊՀ ԻՄ-ի դեկորատիվ-կիրառական արվեստի և դիզայնի ամբիոնի վարիչի պաշտոնակատար, արվեստագիտության թեկնածու և գրաֆիկ դիզայներ Մարտին Հարությունյանը, համագործակցելով բելգիական հայտնի “L’Abbaye des Rocs” և “PolyBeer” ապրանքանիշների հետ, ստեղծել է նորաոճ «Grand Cru» տեսակի գարեջրերի ապրանքային պիտակները:
Նշված գարեջրերի տեսականին մեծ խմբաքանակներով արտահանվում է Կանադա:
Ընկերության և Մարտին Հարությունյանի համագործակցությունը շարունակվում է, և այժմ թիմն աշխատում է յուրօրինակ դիզայնով գինիների պիտակների մտահղացման վրա:
Կարևորելով գրաֆիկական դիզայնի զարգացումն ու տարածումը՝ ԵՊՀ Իջևանի մասնաճյուղի «Դիզայն» մասնագիտության «Համակարգչային գրաֆիկա» դասընթացում (կրթական մոդուլներում) ներառվել է ապրանքային նշանների մշակման ուսուցանումը:
Կիրառական արվեստի ֆակուլտետի ուսանողները դասընթացի շրջանակներում համակարգչային գրաֆիկայի կիրառմամբ կսովորեն մշակել ապրանքային նշաններ (պիտակներ):
Տարածել նյութը
