Ընդունվում են ուսման վարձավճարների մասնակի փոխհատուցման դիմումները

2024-2025 ուստարվա 1-ին կիսամյակի համար ԵՊՀ ԻՄ ուսանողների ուսման վարձավճարների մասնակի փոխհատուցման վերաբերյալ դիմումներն ընդունվում են միայն առցանց եղանակով e-request.ysu.am համակարգի միջոցով:

Առկա ուսուցման համակարգում սովորող ուսանողների դիմումներն ընդունվելու են մինչև սեպտեմբերի 29-ը ներառյալ: Հեռակա ուսուցման համակարգում սովորող ուսանողների դիմումներն ընդունվելու են 2024 թ․ նոյեմբերի 4-ից մինչև նոյեմբերի 17-ը ներառյալ:

Նշված ժամկետների ավարտից հետո էլեկտրոնային հարթակը մասնակի փոխհատուցման դիմումների ուղարկման հնարավորությունը ինքնաշխատ եղանակով կսահմանափակի:

Անհրաժեշտ է, որ դիմումին կից փաստաթղթերը ներբեռնված լինեն բացառապես բնօրինակ տարբերակից (գունավոր լուսապատճենված, մեկ փաստաթուղթ սկզբունքով, pdf ֆորմատի ֆայլով) և ստորև նշված փաստաթղթերի պարտադիր պահաջվող էջերի առկայությամբ:

Դիմումները խորհուրդ է տրվում ուղարկել՝ օգտվելով համակարգչից (Android և iOS սարքերից ուղարկման հնարավորությունը առայժմ փորձարկման փուլում է):

Ուսման վարձի փոխհատուցման կարգի դրույթներին և պայմաններին կարող եք ծանոթանալ այստեղ, դիմումներն առցանց ներկայացնելու համակարգից օգտվելու ուղեցույցին՝ այստեղ:

ԵՊՀ ուսանողական նպաստների, պետական և ներբուհական կրթաթոշակների հատկացման կանոնակարգի 5-րդ գլխի դրույթները չեն վերաբերում 1-ին և 2-րդ կուրսի ուսանողներին:

Կանոնակարգի կետ	Պահանջվող փաստաթղթեր և վավերապայմաններ
22.1	Սոցիալական ծառայության կողմից տրված տեղեկանք (ընտանիքների անապահովության սահմանային միավորից բարձր միավոր)։
22․2	Ծննդյան վկայական, առանց ծնողական խնամքի մնացած կարգավիճակը հավաստող փաստաթղթերը (մահվան վկայական, դատարանի վճիռ` բոլոր էջերը և այլն)։
22․3	Ծննդյան վկայական, միակողմանի ծնողազուրկ լինելու կարգավիճակը հավաստող փաստաթղթերը (մահվան վկայական, դատարանի վճիռ՝ բոլոր էջերը, միայնակ մոր կարգավիճակը հավաստող փաստաթուղթ ՔԿԱԳ-ից և այլն)։
22․4	Ամուսնության վկայական, երեխայի ծննդյան վկայական։
22․5	Ընտանիքում երեք անչափահաս երեխաների ծննդյան վկայանանները կամ երեք ուսանողի տեղեկանքները իրենց ուսման հաստատություններից։
22․6	Ծննդյան վկայական, ծնողի հաշմանդամությունը հավաստող տեղեկանք:
22․7	Ծննդյան վկայական, զինվորական գրքույկի առաջին էջը և այն էջը որում առկա է գրառումը՝ իրականացրել է մարտական հերթապահություն կամ մասնակցել է մարտական գործողություններին։
22․8	Սոցիալական ծառայության կողմից տրված տեղեկանք (ընտանիքների անապահովության սահմանային միավորից ցածր միավոր)
22․9	Փոխատեղման /ռոտացիա/ արդյունքում տարեկան ձևավորված ՄՈԳ դեկանատից Super Vision ծրագրից
22․10	Ծննդյան վկայական, ծնողի՝ մարտական գորրծողության վերաբերյալ վկայականը՝ բոլոր էջերով, տրված ՀՀ ՊՆ-ի կողմից, որը հաստատված է միջգերատեսչական հանձնաժողովի կողմից կամ երկրապահ կամավորականի վկայական
22․11	Ծննդյան վկայական,
22․13	Ծննդյան վկայական, ԵՊՀ-ի կողմից անցկացվող օլիմպիադայի 1-ին, 2-րդ, 3-րդ կարգի դիպլոմը
22․14	Ծննդյան վկայական, ներկայացվող փաստաթղթերի բոլոր էջերը

Տարածել նյութը