2021թ. դեկտեմբերի 18-ին ԵՊՀ ԻՄ-ի հումանիտար գիտությունների ֆակուլտետի «Հայոց լեզու և գրականություն», «Ռուսաց լեզու և գրականություն», «Տարրական մանկավարժություն և մեթոդիկա», «Հոգեբանություն» մասնագիտությունների առաջին կուրսի ուսանողների մասնակցությամբ կայացավ ևս մեկ ամանորյա միջոցառում:
Միջոցառման լեզուն անգլերենն էր, և այն կազմակերպել էր Օտար լեզուների ամբիոնի ասիստենտ, բ.գ.թ. Աննա Կարապետյանը:
Նոր տարվան և Սուրբ Ծննդին նվիրված միջոցառմանը ուսանողները շնորհանդեսի ուղեկցությամբ ներկայացրին, թե ինչպես են նշվում այսօր ամանորյա տոնակատարություններն աշխարհի տարբեր ծագերում, ինչ նախապատմություն ունեն դրանք:
Իրականացվեց Ամանորի վերաբերյալ օտար լեզվով ֆիլմի դիտում-քննարկում:
Միջոցառման մասնակիցները հանդես եկան նաև Ամանորին նվիրված բանաստեղծություններով և երգերով, Գեղեցկի, Լավի, Բարու, խաղաղության, ստեղծագործ աշխատանքի մաղթանքներով:
Խաղալով «Գաղտնի Ձմեռ պապ» խաղը՝ նրանք նվերներ հանձնեցին իրար:
Վերջում ուսանողները առանձնահատուկ շնորհակալություն հայտնեցին իրենց սիրելի դասախոս Ա.Կարապետյանին՝ ուսանելի, մոտիվացիոն ու ոգևորիչ միջոցառման կազմակերպման համար:
Опубликовать материал
